ՌԴ–ից կասկածում են Երևանին. Մոսկվայի հետ հարաբերությունները կպահպանվե՞ն

ՌԴ ԱԳՆ-ն արձագանքել է Երևանի՝ Մոսկվայի հետ համագործակցությունը պահպանելու ցանկության մասին վարչապետ Փաշինյանի հայտարարություններին. 

«Մենք սովոր ենք դատել ոչ թե խոսքերով, այլ գործերով։ Հայաստանի ղեկավարության՝ ՌԴ-ի հետ հարաբերությունները պահպանելու շահագրգռվածության մասին խոսքերը հակասում են գործերին», – հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Նրա խոսքով՝ Հայաստանի ներկայիս գիծը Ռուսաստանի նկատմամբ դժվար թե կարելի է հավասարակշռված անվանել։

«Երևանը Մոսկվայի հետ հարաբերությունները դիտարկում է որպես եվրոպական ուղու վերակողմնորոշումը ֆինանսապես ապահովելու գործիք։

Միևնույն ժամանակ, Ռուսաստանի վերաբերմունքը Հայաստանի և նրա քաղաքացիների նկատմամբ չի փոխվել․ Երևանը շարունակում է մնալ Մոսկվայի բնական գործընկերը Հարավային Կովկասում, իսկ հայ ժողովուրդը՝ եղբայրական»,– հավելել է Զախարովան: