Եթե ընդդիմությունն այնքան ուժ ունի, որ կարող է ՌԴ-ի ճանապարհը փակել, ուրեմն կարող է նաև բացել. Քոչարյան

Եթե ընդդիմությունն այնքան ուժ ունի, որ կարող է ՌԴ-ի ճանապարհը փակել, ուրեմն նաև ուժ ունի հունիսի 8-ին այդ ճանապարհը բացելու համար։ Այդ մասին նախընտնրական քարոզարշավի ժամանակ հայտարարել է Երկրորդ նախագահ Ռոբերտ Քոչարյանը.


«Արդեն այդ փորձանքը բերել է, արդեն հայկական ապրանքների համար մուտքը դժվարացել է, ապրանքատեսակներ կա, որը ուղղակի փակել են, և հիմա իր մեղքը ևս փորձում է գցել մեր վրա, ոնց Ղարաբաղը չէ ինքը տվեց, ծախեց, ավիրեց, ասում է հներն են արել 91 թվականից, հիմա փորձում է գցել մեր վրա, եթե այդքան ուժ ունենք Ռուսաստանի վրա ազդելու, որ ճամփեքը փակեն մեր ապրանքների համար, ուրեմն այդ ուժը ունենք հունիսի 8-ին այդ ճամփեքը բացելու համար: Եթե ինքը մնա, հաստատ ճամփեքը փակվելու է: Ամբողջ ինչ Հայաստանը արտադրում է, չի արտադրում, 90%-ով գնում է Ռուսաստան, մոտավորապես 98% բանջարեղեն, ծաղիկ, գինի և այլն: Բա լավ դու այդ քայլերը որ անում ես, չես մտածում այդ արտադրողի մասին, այդ բիզնեսների մասին, այդ ջերմոցներում աշխատող մարդկանց մասին. ուրեմն եթե այդքան հզոր ենք. որ կարող ենք սա փակել. կրկնեմ ուրեմն այդ հզորությունը կա բացելու համար. ուրեմն իմացեք. որ որևէ խնդիր որևէ մեկը չի ունենալու Ռուսաստանի հետ հարաբերություններում»,– նշել է նա: