17:00 Լուրերը մեկ տողով. Քրեական գործ զինվորականի սպանության ու ընտրակաշառքի դեպքով, սենսացիոն բացահայտումներ Թրամփի ծրագրերից

Անցած ժամվա լուրերը՝ հակիրճ և բովանդակային.

• ՀՀ հակակոռուպցիոն կոմիտեն քրեական վարույթ է նախաձեռնել ընտրակաշառքի, հավաքներին մասնակցելու նպատակով նյութական շահագրգռման և զինվորականի սպանության առերևույթ դեպքերի առթիվ։

• Հայաստանից դեպի Եվրոպական միության երկրներ իրականացված արտահանման ծավալները 2025 թվականի առաջին չորս ամիսներին արձանագրել են 97 տոկոսի աճ՝ կազմելով 355 միլիոն դոլար։

• Հայաստանից առաջին անգամ միլիոնավոր դոլարների հայկական արտադրության ռազմական արտադրանք է արտահանվել, սակայն մանրամասները դեռևս չեն հրապարակվում վերջնական համաձայնության բացակայության պատճառով։

• Եվրամիության երկրների դեսպանատներում հաճախացել են ՀՀ քաղաքացիների շենգենյան վիզաների հաստատման դեպքերը, իսկ հերթերի հետ կապված խնդիրները կարգավորման փուլում են։

• Նարեկ Կարապետյանը հերքել է այլ երկրի քաղաքացիություն ունենալու մասին լուրերը և հայտարարել իշխանական պաշտոնյաների դեմ դատական հայցեր ներկայացնելու մասին։

• ԲՀԿ խնակ Իվետա Տոնոյանը հրատապ ասուլիսում անընդունելի է որակել վարչապետ Նիկոլ Փաշինյանի վերջին օրերի բառապաշարն ու գործելաոճը։

• Ըստ The New York Times-ի՝ ԱՄՆ-ն և Իսրայելը Իրանում իշխանափոխության և գերագույն առաջնորդի սպանությունից հետո նախկին նախագահին իշխանության բերելու ծրագիր էին մշակել։

• Իտալիայի արտաքին գործերի նախարարությունը պաշտոնական պարզաբանումներ ստանալու նպատակով անհապաղ կանչել է Իսրայելի դեսպանին՝ ցուցարարների հանդեպ անընդունելի վերաբերմունքի պատճառով։