Առաջարկում են վերականգնել COVID-19-ի ժամանակաշրջանի սահմանափակումները

Հնդկաստանի վարչապետ Նարենդրա Մոդին Մերձավոր Արևելքում ստեղծված ճգնաժամի ֆոնին առաջարկել է վերականգնել COVID-19-ի ժամանակաշրջանի սահմանափակումները։ Այս մասին հայտնում է NDTV հեռուստաալիքը՝ հղում անելով Հայդարաբադում Հնդկաստանի վարչապետի ելույթին։

Մոդին Հնդկաստանի բնակիչներին կոչ է արել աշխատել տնից և հանդիպումներն անցկացնել առցանց։

Բացի այդ, Հնդկաստանի վարչապետը խնդրել է յուրաքանչյուրին հնարավորինս նվազեցնել բենզինի և դիզելային վառելիքի սպառումը՝ օգտվելով հասարակական տրանսպորտից։

Նարենդրա Մոդին նշել է, որ ներկայիս գլոբալ իրավիճակը պահանջում է յուրաքանչյուր բնակչի բարձր պատասխանատվություն։