Մենք դա խորհուրդ չենք տա. Զելենսկին՝ Մոսկվայում սպասվող հաղթանակի շքերթի մասին

Ուկրաինայի նախագահ Վլադիմիր Զելենսկին անադեկվատ է որակել որոշ պետությունների ներկայացուցիչների՝ Մոսկվա մեկնելու մտադրությունը:

Զելենսկին նշել է, որ Ուկրաինան Ռուսաստանին առաջարկել էր մայիսի 6-ից դադարեցնել կրակը և ապահովել լիակատար լռություն, սակայն խաղաղության առաջարկի փոխարեն ռուսական կողմից եղել են միայն նոր հարվածներ ու սպառնալիքներ։

«Մի քանի երկիր տեղեկացրել է, որ իրենց ներկայացուցիչները մտադիր են լինել Մոսկվայում։ Մենք դա խորհուրդ չենք տա»,- ասել է Զելենսկին։

Ըստ նախագահի՝ ռուսական կողմը ցանկանում է թույլտվություն ստանալ սեփական շքերթն անցկացնելու համար, որպեսզի տարին մեկ անգամ կարճ ժամանակով անվտանգ դուրս գան հրապարակ, որից հետո նորից շարունակեն պատերազմել ու սպանել մարդկանց։ 

Զելենսկին Ռուսաստանի ղեկավարության տրամաբանությունը որակել է  տարօրինակ և ոչ ադեկվատ՝ հավելելով, որ ռուսներն արդեն խոսում են մայիսի 9-ից հետո սպասվող հարվածների մասին։