XChat մեսենջերը պաշտոնապես թողարկվել է

X ընկերությունը պաշտոնապես գործարկել է XChat մեսենջերը։ Այն կարելի է ներբեռնել AppStore-ից, սակայն, ինչպես նշում է Rozetked-ը, ռուսաստանյան տարածաշրջանում այն դեռևս հասանելի չէ։ Հայտնի չէ՝ արդյոք կհայտնվի Android-ի համար նախատեսված տարբերակը։

Հավելվածի նկարագրության համաձայն՝ այն ունի ծայրից ծայր վերծանման համակարգ, նամակագրությունը խմբագրելու և ջնջելու հնարավորություն, սքրինշոթների արգելք, խմբային չաթեր և անհետացող հաղորդագրություններ։ Առանձնահատուկ ընդգծվում է, որ մեսենջերում գովազդ չկա։

XChat մուտք գործելը իրականացվում է X-ի հաշվի միջոցով։ Այսինքն՝ այն օգտագործելու համար բավական չէ պարզապես ներբեռնել մեսենջերը․ անհրաժեշտ է գրանցված լինել նաև X սոցիալական ցանցում։

Մասկը XChat-ի մասին հայտարարել էր 2025 թվականի հունիսին։ Այդ ժամանակից ի վեր ծառայությունը թեստային ռեժիմով հասանելի էր որոշ օգտատերերի համար։ Ի սկզբանե մեսենջերը ներկառուցված էր X սոցիալական ցանցի մեջ։