ՏԵՍԱՆՅՈՒԹ. Ինձ հաջորդողի համար եմ զղջում. Ռոբերտ Քոչարյան

Հայաստանի երկրորդ նախագահ, վարչապետի թեկնածու Ռոբերտ Քոչարյանը հարցազրույց է տվել RTVI միջազգային հեռուստաալիքի՝ «Հատուկ հարցազրույց» հաղորդաշարին։
 
 
 Հարցազրույցի վերջնամասում Քոչարյանին հարց է ուղղվել այն մասին, թե հետադարձ հայացք գցելով՝ ինչի համար է նա ամենից շատ զղջում։ Պատասխանելով հարցին՝ Քոչարյանը նշել է, որ դա հավանաբար ամենաբարդ հարցն է, և հավելել, որ իր բնավորությանը բնորոշ չէ անցյալն այդքան շատ փորփրելու սովորությունը։
 
 Ըստ նրա՝ անցյալի մեջ խորանալը խոչընդոտում է առաջ շարժվելուն։ Նախկին նախագահը խոստովանել է, որ կան բազմաթիվ հարցեր, որոնք սեփական փորձի և նոր գիտելիքների հիման վրա այժմ այլ կերպ կաներ։
 
Երբ հարցը կոնկրետացվել է՝ խնդրելով նշել ամենաէական սխալը, որի համար նա զղջում է, Ռոբերտ Քոչարյանը պատասխանել է. «Դե, թերևս, ինձ հաջորդողի հարցը»։