«Նոր ուժ» կուսակցություն ցուցակի առաջին երեք անունները հայտնի են

Երևանի նախկին քաղաքապետ Հայկ Մարությանի առաջնորդած «Նոր ուժ» կուսակցությունը Կենտրոնական ընտրական հանձնաժողով է ներկայացրել ընտրություններին մասնակցելու համար պահանջվող փաստաթղթերի փաթեթը։

Կուսակցության ներկայացուցիչ Հակոբ Կարապետյանը լրագրողների հետ հանդիպման ժամանակ հայտնեց, որ իրենց նախընտրական ցուցակում ներառված է 87 թեկնածու։ «Ցուցակը գլխավորում է կուսակցության նախագահ Հայկ Մարությանը, երկրորդ տեղում ես եմ, երրորդ տեղում Երևանի ավագանու անդամ Նարե Արամյանն է»,- նշեց նա։

Այս պահի դրությամբ ԿԸՀ փաստաթղթեր ներկայացրած քաղաքական ուժերի ընդհանուր թիվը դարձավ 14։

Հիշեցնենք, որ այսօր՝ ժամը 18:00-ին, լրանում է հունիսի 7-ին կայանալիք ԱԺ ընտրություններին մասնակցելու համար փաստաթղթերի ներկայացման վերջնաժամկետը։