Ղալիբաֆը դեմ է Խամենիի դիրքորոշմանը

Իրանի և ԱՄՆ-ի միջև բանակցությունները հայտնվել են տապալման եզրին՝ իրանական իշխանության ներսում առկա հակասությունների և միջուկային հարցում գերագույն առաջնորդի շրջապատի դիրքորոշման պատճառով:

Ինչպես հայտնում է «Iran International»-ը, բանակցային գործընթացին սպառնում է ձախողում՝ Իրանի ղեկավարության ներքին տարաձայնությունների ու Մոջթաբա Խամենեիի մերձավորների կոշտ մոտեցումների հետևանքով։ 


Իսլամաբադ նախատեսված այցից առաջ իրանական պատվիրակությունը հրահանգ է ստացել չքննարկել միջուկային թեման, ինչին ի պատասխան ԱԳ նախարար Աբաս Արաղչին նման պայմաններով բանակցություններն անվանել է «անօգուտ»՝ դա որակելով որպես դիվանագիտության «մահապատիժ»։

Ըստ տեղեկությունների՝ դիվանագետները նկատողություն են ստացել «կարմիր գծերը» խախտելու համար, իսկ մայիսի 2-ին ծրագրված բանակցությունները չեղարկվել են Հորմուզի նեղուցում իրավիճակի սրման և փոխադարձ մեղադրանքների պատճառով։ 

Խամենեին դեմ է Վաշինգտոնի հետ երկխոսությանը, ինչը խորհրդարանում բնորոշում են որպես երկրի անվտանգության կուրսը որոշող կոշտ դիրքորոշում։ Իրանական էլիտաների ներսում հակամարտությունը սրվում է, իսկ խորհրդարանի խոսնակ Մոհամմադ-Բաղեր Ղալիբաֆը քննադատել է համաձայնության հակառակորդներին՝ զգուշացնելով ներքաղաքական ճգնաժամի էսկալացիայի մասին։