ՏԵՍԱՆՅՈՒԹ. Նախապես որոշված թիրախներին հզոր հարված կհասցվի. Իրանի ԶՈՒ

Իրանի զինված ուժերը հայտարարել են ԱՄՆ-ի կամ Իսրայելի հնարավոր հարձակման դեպքում նախապես սահմանված թիրախներին հարվածելու պատրաստակամության մասին։

Իրանի զինված ուժերի «Խաթամ ալ-Անբիա» կենտրոնական շտաբի ներկայացուցիչը հանդես է եկել հայտարարությամբ։ Այն հնչել է՝ ի պատասխան ԱՄՆ նախագահի և ամերիկյան զինվորական հրամանատարության կողմից պարբերաբար հնչող սպառնալիքների։ 

Իրանական կողմը նախազգուշացնում է, որ իրենց զինված ուժերը գտնվում են լիակատար մարտական պատրաստվածության վիճակում՝ «մատը ձգանին»։

 Իրանի դեմ իրականացված ցանկացած ագրեսիայի կամ հարձակման պարագայում նախապես որոշված թիրախներին կհասցվի հզոր և անհապաղ հարված։