Նրանք սպառել են իրենց. ՌԴ ԱԳՆ-ի հայտարարությունը

ԱՄՆ-ն և Եվրոպան սպառել են իրենց ոչ միայն բարոյապես, այլև նյութապես, հայտարարել է G20-ի և ԱՏՀ-ի հարցերով Ռուսաստանի ԱԳՆ հատուկ հանձնարարություններով դեսպան Մարատ Բերդիևը։

«Հավանաբար ոչ մեկին պետք չէ համոզել նրանում, որ նրանք սպառել են իրենց, ընդ որում՝ ոչ միայն բարոյապես, այլև նյութապես։ Դա հասկանում են նաև իրենց մայրաքաղաքներում և արդեն վաղուց խաղադրույք են կատարել շուկաների, ինստիտուտների և կարգավորման սխեմաների ապակայունացման վրա»,- ասել է նա «Եվրասիական ինտեգրման չափումները. տրանսպորտ և լոգիստիկա, էներգետիկա և պարենային անվտանգություն» III միջազգային գիտագործնական համաժողովում։

Դիվանագետն ընդգծել է, որ նման քաղաքականությունը երեկ չէ, որ ի հայտ է եկել և կրում է երկարաժամկետ ռազմավարական բնույթ։ Դրա հիմքում ընկած է համաշխարհային գերիշխանության կորստի հետ անհամաձայնությունը, հավելել է նա։