Իրանը հերքում է. բանակցությունների մտադրություն չունի

Իսլամական հեղափոխության պահապանների կորպուսի հետ փոխկապակցված «Տասնիմ» լրատվական գործակալությունը  տեղեկացրել է, որ Թեհրանը որոշում չունի ուրբաթ օրը ԱՄՆ-ի հետ բանակցելու մասին։


Այսպիսով հերքվել է «Նյու Յորք Փոստ»-ի այն հաղորդագրությունը, որտեղ հղում էր արվում նախագահ Դոնալդ Թրամփի հայտարարությանը՝ մի քանի օրից բանակցությունների երկրորդ փուլի հնարավոր անցկացման վերաբերյալ։

Միաժամանակ, իրանական պետական «ԻՐԻԲ» հեռուստառադիոընկերությունը չորեքշաբթի հերքել է տարածված լուրերն այն մասին, թե Թեհրանը տվել է իր համաձայնությունը հրադադարի ռեժիմի երկարաձգմանը, ինչի մասին նախորդ օրը հայտնել էր ԱՄՆ նախագահը։

«Իրանը դեռևս պաշտոնական դիրքորոշում չի հայտնել հրադադարի ռեժիմի երկարաձգման վերաբերյալ Թրամփի հայտարարության կապակցությամբ», — նշել է «ԻՐԻԲ»-ը։

Հաղորդագրության մեջ նաև շեշտվում է, որ Իրանի հետ պաշտոնական համաձայնության հասնելու լուրերը չեն համապատասխանում իրականությանը, և իրանցի պաշտոնյաների կողմից որևէ հայտարարություն այդ առնչությամբ չի եղել։