Իրանի ԱԳՆ խոսնակը բանակցությունների հետ կապաված հայտարարություն է տարածել

Իրանի ԱԳՆ ներկայացուցիչն արձանագրել է, որ ամերիկյան կողմը բանակցային գործընթացում բարի կամք չի դրսևորում, և նրանց մասնակցության վերաբերյալ որոշում դեռևս չկա։

Անդրադառնալով այն հարցին, թե արդյոք ամերիկացիները նախապես համաձայնել են մասնակցել, ապա փոխել մտադրությունը՝ Իրանի արտաքին գործերի նախարարության խոսնակը նշել է, որ իրենք երբեք չեն հայտարարել գնալու մասին, իսկ հետո խախտել պարտավորությունները, ինչը բնորոշ է Միացյալ Նահանգներին։ Ըստ նրա՝ ԱՄՆ-ն մշտապես փոփոխում է իր մոտեցումները։

«Մենք երբեք չենք ասել, որ կգնանք, իսկ հետո կխախտենք մեր պարտավորությունները, ինչպես սովորաբար անում է ԱՄՆ-ն։ Նրանք (ամերիկացիները) մշտապես փոխում են իրենց դիրքորոշումները»,- հայտարարել է Բաղային։