Ուկրաինան առաջարկել է Դոնբասի մի մասն անվանել «Դոնիլենդ»՝ ի պատիվ Թրամփի. NYT

Ուկրաինան առաջ է քաշել Դոնբասի տարածքի մի հատվածը Դոնալդ Թրամփի պատվին «Դոնիլենդ» անվանակոչելու գաղափարը։

The New York Times-ի աղբյուրները հայտնում են, որ նշված տարբերակը քննարկման առարկա է դարձել բանակցությունների ընթացքում։ Այս քայլի նպատակն է ազդեցություն գործել ԱՄՆ-ի դիրքորոշման վրա և Վաշինգտոնին դրդել Ռուսաստանի նկատմամբ ավելի խիստ ճնշումներ կիրառելուն։ Ինչպես նշում է պարբերականը, նման առաջարկն արտացոլում է համաշխարհային ներկա իրականությունը, երբ տարբեր կառավարություններ փորձում են օգտագործել նախագահ Թրամփի սնափառությունը՝ ամերիկյան ուժն իրենց շահերին ծառայեցնելու նպատակով։