Կքննարկվի էլեկտրաէներգիայի նոր սակագնային փոփոխությունները

Հանրային ծառայությունները կարգավորող հանձնաժողովի վաղվա նիստում կքննարկվի էլեկտրականության նոր սպառման համակարգերի միացման վճարների վերանայման նախագիծը։

ՀԾԿՀ նիստի օրակարգում ներառված է «Հայաստանի էլեկտրական ցանցեր» ընկերության ժամանակավոր կառավարիչ Ռոմանոս Պետրոսյանի նախաձեռնած որոշման նախագծի քննարկումը։ Հարցը վերաբերում է բաշխման ցանցին նոր սպառման համակարգերի միացման վճարների փոփոխությանը։

Ըստ առաջարկվող նախագծի՝ ՀԷՑ-ը նախատեսում է մինչև 40%-ով իջեցնել նոր բաժանորդ դառնալու համար սահմանված վճարը։ Բացի այդ, առաջարկվում է մինչև 50%-ով կրճատել էլեկտրամատակարարման հզորության ավելացման գործակիցը։ Այս փոփոխությունների նպատակը ծառայությունները քաղաքացիների առավել մեծ խմբերի համար հասանելի դարձնելն է։ Նախաձեռնությունը նաև ուղղված է 0,22կՎ և 0,4կՎ լարմամբ առանձնատների, առանձին շինությունների դիմողների, ինչպես նաև բազմաբնակարան շենքերի բնակիչների միացման վճարների նվազեցմանը։