Իրանը պատրաստ է ԱՄՆ-ի և Իսրայելի հետ պատերազմի վերսկսմանը

Իրանական կողմը լիարժեք պատրաստվածություն է հայտնել ԱՄՆ-ի ու Իսրայելի հետ ռազմական գործողությունների հնարավոր վերսկսմանը, եթե Իսլամաբադում նախատեսված բանակցությունները չկայանան։

Ինչպես հաղորդում է Tasnim գործակալությունը, հրադադարի սահմանված ժամկետի ավարտին զուգահեռ բանակցային գործընթացի ձևավորմանը խոչընդոտել են ամերիկյան կողմի պահանջներն ու ծովային շրջափակման մասին հայտարարությունը։ Ստեղծված իրավիճակում Իրանը պատրաստվում է մարտական գործողությունների հավանական նոր փուլին և հատուկ անակնկալներ է նախապատրաստել։

Լրատվամիջոցի փոխանցմամբ՝ վերջին երկու շաբաթվա ընթացքում Իրանը բարձր է գնահատել պատերազմի հավանականությունը, ինչի շրջանակներում իրականացվել են ռազմական տեղաշարժեր և կազմվել է թիրախների նոր ցանկ։ Հաղորդագրության մեջ նշվում է, որ երկիրը պատրաստ է հնարավոր պատերազմի մեկնարկից ևեթ «դժոխք ստեղծել» ամերիկացիների և իսրայելցիների համար։