Եվրոպան սոովոր է տիրոջ սեղանից առատորեն ուտելուն. Մեդվեդև

Ռուսաստանի Անվտանգության խորհրդի փոխնախագահ Դմիտրի Մեդվեդևը տելեգրամի իր ալիքում կարծիք է հայտնել, որ Վաշինգտոնին Եվրոպան իրականում պետք չէ և նրա համար ափսոս չէ։ Նա եվրոպական երկրներին նմանեցրել է ձանձրացնող ու վնասակար հեռու բարեկամի, որը սովոր է օգտվել տիրոջ սեղանից։

Վերլուծելով հնարավոր պատերազմի հեռանկարը՝ Մեդվեդևը շեշտել է, որ Միացյալ Նահանգները մի շարք պատճառներով չի ներքաշվի այդ հակամարտության մեջ։ Որպես հիմնավորում նա նշել է Եվրոպայի հրաժարումը Մերձավոր Արևելքում օգնություն ցուցաբերելուց, ինչպես նաև ներքին քաղաքական խնդիրները։ «Եվ վերջին բանը, որ նրան (ԱՄՆ նախագահ Դոնալդ Թրամփին) պետք է՝ մեր երկրի հետ լայնամասշտաբ հակամարտությունն է», — գրել է պաշտոնյան։

Մեդվեդևը հորդորել է եվրոպական պետություններին սեփական հնարավորություններով գնահատել իրենց ուժերը՝ նախքան Կրեմլին հակահարված տալու կամ Ռուսաստանին պարտության մատնելու մասին խոսելը։ Նա առանձնացրել է ռազմական արտադրության, միջուկային բաղադրիչի, ինչպես նաև տրանսպորտային ու էներգետիկ օբյեկտների պաշտպանվածության մակարդակը ստուգելու անհրաժեշտությունը։

Անվտանգության խորհրդի փոխնախագահի խոսքով՝ եվրոպական երկրների կարողությունները դեռևս բավարար չեն, չնայած տնտեսությունների միլիտարիզացմանը և ԵՄ շրջանակում նոր ռազմական բլոկ ստեղծելու ու այնտեղ «բանդերական ռեժիմին» հրավիրելու մտադրություններին։ Նա եզրափակել է, որ առայժմ այդ ամենը գոյություն չունի։