ԵՄ-ն Հայաստանի, Ադրբեջանի և Թուրքիայի հետ կապված հայտարարաություն է տարածել

Եվրամիությունը մտադիր է ընդլայնել փոխգործակցությունը Հայաստանի, Ադրբեջանի և Թուրքիայի հետ՝ Կենտրոնական Ասիայի ու Սև ծովի միջև էներգետիկ և տրանսպորտային կապերի զարգացման նպատակով։

Լյուքսեմբուրգում կայացած ԵՄ արտաքին գործերի նախարարների խորհրդի նիստի նախաշեմին այս մասին հայտնեց եվրահանձնակատար Մարտա Կոսը։ Նա պարզաբանեց, որ ռազմավարության հիմքում ընկած է Եվրոպայի և Կենտրոնական Ասիայի միջև կայուն լոգիստիկ ու առևտրային երթուղիների ստեղծումը։

Ըստ եվրահանձնակատարի՝ նոր ուղիների ձևավորման անհրաժեշտությունը պայմանավորված է ավանդական երթուղիների անկայունությամբ։ Մասնավորապես, Ռուսաստանի գործողությունների հետևանքով խափանվել են հյուսիսային ուղիները, իսկ հարավայինները ճնշման տակ են հայտնվել Իրանի հակամարտության պատճառով։

Ստեղծված իրավիճակում Եվրամիությունը շեշտը դնում է Հարավային Կովկասով անցնող այլընտրանքային միջանցքների վրա։ Մարտա Կոսը հավելեց, որ ԵՄ-ն տարածաշրջանում արդեն իրականացնում է կոնկրետ ծրագրեր, և նախարարները կքննարկեն երեք երկրների հետ տրանսպորտի ու էներգետիկայի ոլորտներում գործակցության խորացման հետագա քայլերը։