Ավագանու մեծամասնությունը բոյկոտեց Ամիրյան փողոցի վերանվանելու առաջարկը

Ապրիլի 21-ին կայացած ավագանու նիստի ընթացքում քաղաքապետ Տիգրան Ավինյանը հայտնեց, որ օրակարգում ներառված 51 նախագծերից շուրջ տասը հանում է քննարկումից։ Միևնույն ժամանակ, մի քանի այլ նախագծերի վերաբերյալ հանձնաժողովները ներկայացրել են բացասական եզրակացություն։

Մայրաքաղաքի մի շարք փողոցների անվանակոչությանը վերաբերող երկու նախագիծ օրակարգից հանելուն կողմ է արտահայտվել «Հանրապետություն» խմբակցությունը։ Առաջարկը հիմնավորվել է նրանով, որ նմանատիպ որոշումները պետք է նախապես համաձայնեցվեն ավագանու բոլոր խմբակցությունների հետ, ինչպես նաև նշվել է լիարժեք հանրային քննարկումների բացակայության մասին։

Քաղաքապետի տեղեկացմամբ՝ օրակարգում մնացած 38 հարցերը հաստատվեցին ավագանու քվեարկությամբ։ Երբ վերանվանման վերաբերյալ որոշման նախագիծը դրվեց քվեարկության, ավագանու մեծամասնությունը նախընտրեց բոյկոտել գործընթացը։

Ավագանու հաջորդ նիստը նշանակվել է մայիսի 7-ին՝ ժամը 10։00-ին։ Ժամկետի ընտրությունը պայմանավորված է նրանով, որ ավագանու բազմաթիվ անդամներ ընդգրկված են խորհրդարանական ընտրությունների ցուցակներում և, ըստ օրենքի, չեն կարող նիստին մասնակցել ավելի ուշ ժամկետում։

Հիշեցնենք` ավելի վաղ հայտնել էինք, որ  Երևանի ավագանու նիստի օրակարգում է Ամիրյան փողոցը Պապ թագավորի անվամբ վերանվանելու առաջարկը: