ՏԵՍԱՆՅՈՒԹ. Վիճաբանություն` Նիկոլ Փաշինյանի ու քաղաքացու միջև

Եղվարդում այսօր վիճաբանություն է տեղի ունեցել քաղաքացու ու վարչապետ Նիկոլ Փաշինյանի միջև:

Երիտասարդը բողոքում էր վարժական հավաքների վերաբերյալ օրենքից։

«Ես պատերազմների մասնակից եմ, ինձ կանչել են վարժական հավաքի, անցել եմ բուժզննում, սակայն, հանգամանքներից ելնելով՝ այդ պահին չեմ կարողացել գնալ, դրանից հետո գնացել եմ, մասնակցել եմ վարժական հավաքի ու հիմա ինձ դատում են։ Այսինքն և մասնակցել եմ վարժական հավաքի, և ներկայումս ինձ կարող է՝ տանեն կալանքի։ Ձեր գրած օրենքն է, ոչ նախկին կա, ոչ ներկա»,– ասել է քաղաքացին։


Փաշինյանը հորդորեց նրան տվյալները փոխանցել իր օգնականին՝ հասկանալու համար իրավիճակը:

«Օրենքն այնպես է, որ եթե հետո այնուամենայնիվ մասնակցել եք վարժական հավաքի, պիտի քրեական գործը կարճվի։ Մենք կհասկանանք»,- ասաց Փաշինյանը:

Զրույցն ամբողջությամբ` տեսանյութում