Հիասթափված ենք ՆԱՏՕ-ից. Թրամփ

ԱՄՆ նախագահը քննադատել է Հյուսիսատլանտյան դաշինքին՝ տարածաշրջանային խնդիրների լուծմանը չմասնակցելու համար։

ԱՄՆ նախագահ Դոնալդ Թրամփը Fox News հեռուստաալիքին տված հարցազրույցում հայտարարել է, որ Վաշինգտոնը խորը հիասթափություն է ապրում ՆԱՏՕ-ի որդեգրած քաղաքականությունից։ Սպիտակ տան ղեկավարի խոսքով՝ դաշնակիցները պատշաճ օպերատիվություն չեն ցուցաբերել կարևորագույն իրադարձությունների ժամանակ, ինչը բարդացրել է առկա խնդիրների կարգավորումը։

Նախագահն ընդգծել է, որ թեև այժմ դաշինքի անդամները ցանկություն են հայտնում ներգրավվել գործընթացներում և աջակցել նեղուցի մաքրման աշխատանքներին, սակայն նախկինում նրանք խուսափել են պատասխանատվությունից։ Թրամփի փոխանցմամբ՝ ամերիկյան կողմը մտադիր է սեփական ուժերով ավարտին հասցնել տարածքի մաքրումը, ինչից հետո ջրային ուղին հասանելի կդառնա անարգել նավարկության համար։

ԱՄՆ նախագահը նաև հավելել է, որ այս հարցերի շուրջ դաշնակիցների հետ ընթացել են չափազանց բարդ և ինտենսիվ բանակցություններ։ Նա շեշտել է, որ աշխատանքների ավարտից հետո նեղուցը շատ արագ կվերադառնա բնականոն շահագործման ռեժիմին, ինչը ռազմավարական նշանակություն ունի տարածաշրջանի համար։