ՏԵՍԱՆՅՈՒԹ․ «Պարզունակ երկիրը» կարողացավ նվաստացնել ԱՄՆ-ին․ Թաքեր Կարլսոն

Ամերիկացի լրագրող Թաքեր Կարլսոնը իր հեղինակային հաղորդման ընթացքում անդրադարձել է ԱՄՆ-ի և Իրանի հարաբերություններին՝ բարձրացնելով Վաշինգտոնի ռազմական ազդեցության վերաբերյալ հարցեր։

Նա նշել է, որ եթե ԱՄՆ-ը համարվում է աշխարհի ամենահզոր ռազմական ուժը, անհասկանալի է, թե ինչու չի կարողանում ստիպել Իրանին բացել Հորմուզի նեղուցը։ Կարլսոնի գնահատմամբ՝ այս իրավիճակը կարող է ցույց տալ, որ Միացյալ Նահանգների իրական կարողությունները չեն համապատասխանում ներկայացվող պատկերին։

Լրագրողը նաև ընդգծել է, որ Իրանի նման երկրի կողմից նման զարգացումները կարող են ԱՄՆ-ի համար ունենալ ոչ միայն բացասական, այլև վտանգավոր հետևանքներ՝ նպաստելով նոր լարվածությունների առաջացմանը։

Կարլսոնը կոչ է արել բաց և անկեղծ գնահատել իրավիճակը՝ նշելով, որ անհրաժեշտ է դադարեցնել, իր ձևակերպմամբ, իրականության խեղաթյուրումը և փաստերը ներկայացնել հանրությանը։