Որ դեպքում Վենսը կմասնակցի Թեհրանի հետ բանակցություններում

ԱՄՆ փոխնախագահ Ջեյ Դի Վենսը կարող է մասնակցել Վաշինգտոնի և Թեհրանի միջև բանակցություններին, եթե դրանք տեղափոխվեն ուղիղ շփումների ձևաչափ բարձր մակարդակով։ Այս մասին հաղորդում է Politico-ն՝ հղում անելով աղբյուրներին։

Ներկայում կողմերը կապ են պահպանում միջնորդների միջոցով։ ԱՄՆ կողմից գործընթացին ներգրավված են հատուկ ներկայացուցիչ Ստիվ Ուիթքոֆը և Ջարեդ Քուշները, որոնք բանակցություններ են վարում ոչ ուղիղ ձևաչափով։

Աղբյուրների տվյալներով՝ Վենսը արդեն ներգրավված է բանակցային գործընթացում ոչ հրապարակային մակարդակում։ Նա կապ է պահպանում միջնորդների հետ և մասնակցում է քննարկումներին՝ առանց պաշտոնական հանդիպումների։

Մասնավորապես նշվում է, որ շփումներ են իրականացվում նաև Պակիստանի միջոցով։ Եթե կողմերը համաձայնեն անցնել ուղիղ հանդիպումների, Վենսի մասնակցությունը կարող է դառնալ ավելի տեսանելի և պաշտոնական։