Ստեղծված է արհեստական բանականության կողմից. նոր օրենք

«Ստեղծված է արհեստական բանականության կողմից» 

Քիչ առաջ Ազգային ժողովն ընդունեց օրենք, որով տեսալսողական մեդիածառայություն մատուցողները պարտավորվում են արհեստական բանականությամբ (ԱԲ) կամ այլ թվային լուծումներով ստեղծված սինթետիկ բովանդակությունը մակնշել հատուկ տեսանելի պիտակով (label)։ Սա օրենքի իմպերատիվ պահանջ է, որի նպատակն է սպառողին հնարավորություն տալ հստակ տարբերակել տեխնոլոգիական գործիքակազմով գեներացված ոչ իրական նյութը իրական բովանդակությունից։ Այս մասին ֆեյսբուքի ր էջում գրել է Բարձր տեխնոլոգիական արդյունաբերության նախարար Մխիթար Հայրապետյանը:

«Սահմանված պահանջների խախտման դեպքում հեռարձակողի համար նախատեսվում է վարչական տուգանք՝ նվազագույն աշխատավարձի 300-ապատիկի չափով։ Ռադիոհաղորդումների պարագայում ԱԲ գործիքակազմի կիրառման մասին պարտադիր պետք է հայտարարվի եթերի սկզբում և վերջում։ 

Նշեմ, որ նախագծին կողմ է քվեարկել  67 պատգամավոր, դեմ՝ 0, ձեռնպահ՝ 6»,- գրել է նա: