Լուրերը մեկ տողով. Փոթորկոտ եղանակ, ձերբակալություններ ու մեծ պատերազմ. ինչ է կատարվում ՀՀ-ում և աշխարհում հիմա

 Անցած ժամվա լուրերը՝ հակիրճ և բովանդակային.

• Մարտի 27-31-ին ՀՀ-ում սպասվում են տեղումներ, լեռնային գոտիներում՝ թաց ձյուն, հովիտներում՝ անձրև, Սյունիքում՝ ինտենսիվ տեղումներ և վատ տեսանելիություն։ Օդի ջերմաստիճանը կնվազի 2-4 աստիճանով։

• Երևանի 20 հասցեներում խուզարկությունների արդյունքում հայտնաբերվել է թմրամիջոցների արտադրամաս, ձերբակալվել է 10 անձ։

 • Վարժական հավաքի ընթացքում վնասվածք ստացած պահեստազորայինի գործով մեկ անձ ձերբակալվել է, տուժածների կյանքին վտանգ չի սպառնում։

 • Սյունիքում և մի շարք մարզերում սպասվում են առատ տեղումներ ու գետերի մակարդակի բարձրացում, կոչ է արվում խուսափել հեղեղավտանգ գոտիներից։

• Թրամփը հայտարարել է, որ Իրանի դեմ գործողությունները նպատակ ունեն կանխել միջուկային սպառնալիքը և «մեծ պահել Ամերիկան»։

 • Իրանի ԱԳ նախարարը պնդում է, որ ամերիկացի զինվորները լքել են տարածաշրջանային բազաները և թաքնվում են։

 • Իրանում, ըստ աղբյուրների, մոբիլիզացվել է ավելի քան 1 մլն մարտիկ ԱՄՆ-ի դեմ հնարավոր ցամաքային մարտերի համար։

 • ԱԷՄԳ ղեկավարը զգուշացրել է, որ «Բուշեր» ԱԷԿ-ի վնասումը կարող է հանգեցնել խոշոր ռադիոլոգիական վթարի։

• Իրանը հայտարարել է, որ ցանկացած հարձակում կունենա «բումերանգի էֆեկտ»։

• Վենսը հայտարարել է, որ Իրանի ավանդական ռազմական ուժերը զգալիորեն թուլացվել են, իսկ ռազմածովային նավատորմը՝ ոչնչացված։

• ԱՄՆ-ը Իրանի հետ խաղաղության 15 կետից բաղկացած առաջարկ է փոխանցել միջնորդների միջոցով։

• Ռուբիոն հայտնել է, որ բանակցություններում որոշ առաջընթաց կա։

• Թրամփը հայտարարել է, որ մինչև ապրիլի 6-ը դադարեցնում է Իրանի էլեկտրակայանների թիրախավորումը։

• Իսրայելը հայտնել է Իրանի արևմուտքում 20-ից ավելի ավիահարվածների մասին և սպառնացել շարունակել առաջնորդների «որսը»։

• Bloomberg-ը կասկածի տակ է դրել Թրամփի հայտարարությունը Հորմուզով նավթատարների անցման վերաբերյալ։

 • Իրանի նախագահը շնորհակալություն է հայտնել Պուտինին աջակցության համար։

• Լիբանանում «Հըզբոլլահ»-ի նախարարները բոյկոտել են կառավարության նիստը։

• ԱՀԿ ղեկավարը հայտարարել է, որ համաշխարհային առևտրային համակարգը ապրում է 80 տարվա ամենածանր ճգնաժամը։

 • Իրանի զինված ուժերի ներկայացուցիչը հայտարարել է ԱՄՆ-ի 600-800 զոհի և շուրջ 5000 վիրավորի մասին։

 • Իսրայելի շտաբի պետը զգուշացրել է բանակի «բեկման կետի» մոտ լինելու մասին։

 • Ֆրանսիան 35 երկրների հետ քննարկել է Հորմուզի նեղուցի անվտանգությունը։

• Ֆինլանդիայի նախագահը հայտարարել է, որ Իրանի պատերազմը ՆԱՏՕ-ի գործը չէ։

 • Ուկրաինայի նախագահ Զելենսկին ժամանել է Սադւդյան Արաբիա կարևոր հանդիպումների համար։