Թրամփը խոսել է Իրանի նոր ընտրված գերագույն առաջնորդի մասին

ԱՄՆ նախագահ Դոնալդ Թրամփը հայտարարել է, որ ԱՄՆ-ը կարող է մեկ ժամում ոչնչացնել Իրանը, սակայն կարեկցում է Իրանի ժողովրդին։

«Ես կարող եմ հաջորդ մեկ ժամվա ընթացքում ոչնչացնել Իրանի կարևոր օբյեկտները։ Մեկ ժամից դուք կկարդաք էլեկտրաէներգիա արտադրող էլեկտրակայանների ոչնչացման մասին։ Մենք կարող ենք անել այնպիսի սարսափելի բաներ, որ նրանք երբեք չեն կարողանա վերականգնվել որպես ազգ։ Մենք դա չենք անում։ Մենք փորձում ենք քաղաքավարի լինել այս հարցում»,-նշել է Թրամփը։

Թրամփը, խոսելով Իրանի նոր ընտրված գերագույն առաջնորդի մասին, ասել է, որ իր կարծիքով նա ողջ է։

«Կարծում եմ՝ Մոջթաբա Խամենեին հավանաբար ողջ է, բայց վիրավոր է։ Նա այն մարդը չէ, որին իր հայրը ուզում էր։ Դուք հարցրեցիք՝ նա ողջ է, թե ոչ։ Շատ մարդիկ փորձում են պարզել դա»,-նշել է նա։