Լուրերը մեկ տողով. Թեհրանի պայթյուններ, ԱԺ նախագահի պատվիրակությունը կմեկնի Թուրքիա

Անցած ժամվա լուրերը՝ հակիրճ և բովանդակային.

• Իսրայելի պաշտպանության ուժերը լայնածավալ հարվածների նոր ալիք են սկսել Թեհրանում։ Քաղաքի տարբեր հատվածներում գրանցվել են պայթյուններ։

• ԱՄՆ հետախուզության տվյալներով՝ Իրանը մոտ 440 կգ մինչև 60% հարստացված ուրան է տեղափոխել խոր ստորգետնյա պաշտպանված օբյեկտ։ Մասնագետները նշում են, որ այն գրեթե անհասանելի է սովորական բունկերային ռումբերի համար։

• ԱՄՆ սենատում հայտարարել են, որ այս պահին ամերիկյան ցամաքային զորքեր Իրան ուղարկելու անհրաժեշտություն չկա։ Միաժամանակ նշվում է, որ հակամարտությունը կարող է շարունակվել դեռ մի քանի շաբաթ։

• Թուրքիայի Ինջիրլիք ավիաբազայում միացել է տագապի ազդանշանի համակարգը։ Սոցցանցերում տարածվել են կադրեր, որտեղ ենթադրաբար երևում է բազայի վրայով անցնող բալիստիկ հրթիռ։

• Իրանը հայտարարել է, որ շարքից հանել է ամերիկյան «Աբրահամ Լինքոլն» ավիակիրը։ Նշվում է, որ այն լքել է տարածաշրջանը և վերադառնում է ԱՄՆ։

• Եվրահանձնաժողովը հայտնել է, որ Վրաստանը պարտավորվել է թույլ չտալ ռուսական լցանավերի մուտքը իր ծովային տերմինալներ։ Բրյուսելը զգուշացրել է, որ խիստ կարձագանքի պատժամիջոցների շրջանցման ցանկացած փորձի։

• Financial Times-ի գնահատմամբ՝ նավթի գների աճի ֆոնին Ռուսաստանը օրական մոտ 150 միլիոն դոլար լրացուցիչ եկամուտ է ստանում։ Պահանջարկի աճը կապվում է Հորմուզի նեղուցի շուրջ իրավիճակի սրման հետ։

• Շվեդիան Բալթիկ ծովում կալանավորել է Ռուսաստանին առնչվող ևս մեկ նավ։ Այն ԵՄ պատժամիջոցների ցանկում է և դասվում է «ստվերային նավատորմի» մեջ։

• Հայաստանի Ազգային ժողովի պատվիրակությունը նախատեսում է ապրիլին մասնակցել Ստամբուլում կայանալիք Միջխորհրդարանական միության 152-րդ վեհաժողովին։ Գործուղումը նախատեսված է ապրիլի 16-19-ը։

• Աջափնյակում տեղի ունեցած կրակոցների գործով նոր զարգացումներ կան։ Քրեական վարույթի շրջանակում հանրային քրեական հետապնդում է հարուցվել ևս երկու անձի նկատմամբ։

• UFC-ում Հայաստանը ներկայացնող Արման Ծառուկյանը հայտարարել է, որ ցանկանում է մենամարտել Թոփուրիա–Գեյջի զույգի հաղթողի հետ։ Նա հավակնում է թեթև քաշային կարգում չեմպիոնական մենամարտի։