Լուրերը մեկ տողով. ԱԺ ընտրությունների նոր կանոններ. Փաշինյանի սոցցանցային ռեկորդը. «Ռոսատոմ»-ի առաջարկը ՀՀ-ին

Անցած ժամվա լուրերը՝ հակիրճ և բովանդակային.

• ՀՀ-ում գրանցված է ավելի քան 126 կուսակցություն, ինչը, ըստ ԿԸՀ նախագահի, շատ մեծ թիվ է 2 միլիոն ընտրող ունեցող երկրի համար։

• Ընտրական օրենսգրքի փոփոխությամբ ԱԺ ընտրությունների անցողիկ շեմը կուսակցությունների համար դարձել է 4%, իսկ դաշինքների համար՝ 8–10%։

• Կուսակցությունների ընտրական գրավը 10 մլն-ից նվազել է 7.5 մլն դրամի, իսկ դաշինքներինը սահմանվել է 15 մլն դրամ։

• Նոր փոփոխությամբ թույլատրվում է, որ կոալիցիա կազմեն 3-ից ավելի քաղաքական ուժեր։

• Իրանի միացյալ ռազմական հրամանատարությունը հայտարարել է, որ Մերձավոր Արևելքում բանկերն ու ֆինանսական հաստատությունները կարող են դառնալ թիրախ։

• Թուրքիայի էներգետիկայի նախարար Ալփարսլան Բայրաքթարը հայտնել է, որ Փարիզում Փաշինյանի և Խուդաթյանի հետ քննարկվել են էներգետիկ և ենթակառուցվածքային ծրագրեր։

• Նիկոլ Փաշինյանի Facebook և Instagram էջերը մեկ ամսում հավաքել են  120 միլիոն դիտում։

• ՄԱԿ-ի Անվտանգության խորհուրդը քվեարկելու է Բահրեյնի ներկայացրած բանաձևի շուրջ, որը դատապարտում է Իրանի հարձակումները տարածաշրջանի երկրների վրա։

• Ռուսաստանը ՄԱԿ-ում ներկայացրել է այլընտրանքային բանաձև, որը կոչ է անում դադարեցնել հարձակումները և վերադառնալ բանակցություններին։

• Դուբայի միջազգային օդանավակայանի մոտ երկու դրոնի հարվածից 4 մարդ է վիրավորվել, սակայն օդանավակայանի աշխատանքը չի դադարեցվել։

• Բեյրութում բնակելի շենքի վրա իսրայելական ավիահարվածից 4 մարդ է վիրավորվել։

• Լիբանանի տվյալներով՝ Իսրայելի հարվածների հետևանքով մարտից ի վեր զոհերի թիվը գերազանցել է 400-ը։

• «Ռոսատոմ»-ը հայտարարել է, որ պատրաստ է Հայաստանին առաջարկել նոր ատոմակայան կառուցելու տարբեր տարբերակներ։

• Հայաստանում Իրանի դեսպանատունը հայտնել է, որ Թեհրանի հայկական թաղամասը հրթիռային հարվածի է ենթարկվել։

• Խաղադրույքների հարթակներում Թրամփի իմպիչմենտի հավանականությունը հասել է 71%-ի։

• ԱՄՆ-ը հարվածներ է հասցրել Իրանի ռազմածովային օբյեկտներին։