Լուրերը մեկ տողով. Լարված աշխարհ, բայց Հայաստանյան սահմանին կրակոցներ չկան

Անցած ժամվա լուրերը՝ հակիրճ և բովանդակային:

• ՀՀ ՊՆ-ն հայտարարում է, որ Հայաստանի տարածքում կրակոցներ կամ պայթյուններ չեն արձանագրվել, իսկ Կապանում կրակոցների մասին հրապարակումները մանիպուլյատիվ են։
 

• Վարդենիսի քաղաքապետը հայտնել է, որ ադրբեջանական նոր ներխուժման մասին տեղեկություն չունի և համայնքում իրավիճակը հանգիստ է։

• Ջերմուկի փոխքաղաքապետը հայտարարել է, որ 2022-ից հետո ադրբեջանական ուժերը Հայաստանի սահմանը չեն հատել։
 

• Իրանագետ Վարդան Ոսկանյանը նշել է, որ Ադրբեջանի ղեկավարության Իրանի դեմ սպառնալիքները անիրատեսական պոռոտախոսություն են։
 

• Մերձավոր Արևելքում արդեն 7-րդ օրն ընթացող պատերազմը շարունակում է լարված պահել տարածաշրջանը և ազդեցություն ունի համաշխարհային տնտեսության վրա։

 • Իրաքում արձանագրվել է նավթի արտադրության կտրուկ նվազում, որը համեմատվում է Իրանի արտահանման ծավալների հետ։

 • Իրանի նախագահը շնորհակալություն է հայտնել Քրդստանի ժողովրդին՝ պատերազմի օրերին Իրանի աջակցման համար։

 • Իրանի ԱԳ նախարարը հայտարարել է, որ երկիրը չի վախենում ԱՄՆ հնարավոր ցամաքային ներխուժումից և պատրաստ է դիմակայել։

 • Թեհրանը պնդում է, որ իր զինված ուժերը պատրաստ են պատերազմը վերածել ճահճի այն երկրների համար, որոնք կսկսեն այն։

 • Իրանի ԱԳ նախարարը հայտարարել է, որ ԱՄՆ-ի արագ ռազմական հաղթանակի պլանը ձախողվել է։

 • Դոնալդ Թրամփը հայտարարել է, որ Իրանի ռազմական ներուժը գրեթե ոչնչացված է և քննարկում է պատերազմի հարցը Իսրայելի վարչապետի հետ։

 • Իրանը հայտնել է «Ճշմարիտ խոստում-4» գործողության հերթական փուլի իրականացման մասին։

 • Իրանական աղբյուրները պնդում են, որ անօդաչուներով հարված է հասցվել ամերիկյան «Abraham Lincoln» ավիակրին։
 

• Տեղեկություններ են տարածվել, որ ԱՄՆ-Իսրայել հարվածներից խափանվել է Բուշերի հիվանդանոցի հոսանքը, ինչի հետևանքով զոհվել են նորածիններ։

 • Իրաքը հայտարարել է, որ ԱՄՆ զորքերը երկրում իրականացրել են չարտոնված օդային գործողություն։
 

• Տեղեկություններ են տարածվել Դուբայի վրա անօդաչու թռչող սարքերի հարձակման մասին։

 • Իրանական աղբյուրների տվյալներով՝ պատերազմի սկզբից արձակվել է ավելի քան 500 հրթիռ և շուրջ 2000 ԱԹՍ։
 

• Ադրբեջանը փակել է Իրանի սահմանին մոտ գտնվող իր օդային տարածքի մի մասը՝ հայտարարելով չորս իրանական ԱԹՍ-ի մասին։

 • Եմենի հութիները հայտարարել են, որ պատրաստ են անհրաժեշտության դեպքում ռազմական աջակցություն ցուցաբերել Իրանին։

 • Թրամփը քննադատել է եվրոպական դաշնակիցներին և պահանջել Մեծ Բրիտանիայից անվերապահ աջակցություն Իրանի դեմ գործողություններին։

 • ԱՄՆ նախագահը Իսրայելի նախագահին կոչ է արել ներում շնորհել Նեթանյահուին՝ նշելով, որ նրա ուշադրությունը պետք է կենտրոնացած լինի Իրանի հետ պատերազմի վրա։