Լուրերը մեկ տողով. Ապաստան իրանցի ֆուտբոլիստներին և Ավինյանը՝ Երևանի ճանապարհների մասին

Անցած ժամվա լուրերը՝ հակիրճ և բովանդակային.

• Իրանը հայտարարել է, որ շարունակելու է հրթիռային հարվածները այնքան ժամանակ, որքան անհրաժեշտ է, և ԱՄՆ-ի հետ բանակցությունները այլևս օրակարգում չեն։ Թեհրանը նաև նշում է, որ պատերազմը ավարտվելու ժամանակը որոշելու է ինքը։

• ԱՄՆ նախագահը հայտարարել է, որ Իրանում աղջիկների դպրոցին հասցված հարվածը հետաքննվում է։ Միևնույն ժամանակ հրապարակված տվյալները ցույց են տալիս, որ հարվածի վայրում հայտնաբերված բեկորները կարող են պատկանել ԱՄՆ արտադրության «Tomahawk» հրթիռին։

• Իսլամական հեղափոխության պահապանների կորպուսը հերքել է պատերազմի շուտով ավարտվելու մասին հայտարարությունները։ Նրանք նշել են, որ կարող են ընդլայնել ռազմական գործողությունները։

• Իրանը հարվածել է Իրաքյան Քրդստանում գտնվող ԱՄԷ հյուպատոսությանը։ Աբու Դաբին միջադեպը գնահատել է որպես ահաբեկչական հարձակում։

• Սիրիայի զինված ուժերը հայտնել են, որ «Հեզբոլլահը» հրետանային հարված է հասցրել Լիբանանի հետ սահմանին գտնվող ռազմական բազային և ուժեր է տեղափոխում սահմանային հատվածներ։

• Ադրբեջանը հումանիտար օգնություն է ուղարկել Իրան։ Օգնությունն իրականացվել է երկրի ղեկավարի հանձնարարությամբ։

• Ավստրալիայում հինգ իրանցի կին ֆուտբոլիստներ քաղաքական ապաստան են ստացել։ Նրանք լքել են թիմի հյուրանոցը և տեղափոխվել անվտանգ վայր ոստիկանության վերահսկողությամբ։

• Երևանի քաղաքապետը հայտարարել է, որ ճանապարհների փոսերը հիմնականում առաջանում են այն հատվածներում, որտեղ վերանորոգում չի իրականացվել։ Քաղաքում տարեկան հնարավոր է հիմնանորոգել կամ միջին նորոգել մոտ 50 կմ ճանապարհ։