Ադրբեջանը օգնություն է ուղարկել Իրան․ ԶԼՄ-ներ

Ադրբեջանի նախագահ Իլհամ Ալիևի և Իրանի նախագահ Մասուդ Փեզեշքիանի միջև 2026 թվականի մարտի 8-ին կայացած հեռախոսազրույցից հետո, իրանցի ժողովրդի ընթացիկ կարիքները հոգալու նպատակով, Իրան է ուղարկվել հումանիտար օգնություն, հայտնում են ադրբեջանական ԶԼՄ-ները։

Ադրբեջանական ԶԼՄ-ների փոխանցմամբ՝ պետության ղեկավարի հանձնարարությամբ Ադրբեջանի արտակարգ իրավիճակների նախարարության ավտոմեքենաներով Իրան ուղարկված հումանիտար բեռը ներառում է 10 տոննա ալյուր, 6 տոննա բրինձ, 2,4 տոննա շաքարավազ, ավելի քան 4 տոննա ջուր, մոտ 600 կգ թեյ, ինչպես նաև շուրջ 2 տոննա դեղորայք և բժշկական պարագաներ։