Պենտագոնի արձագանքը՝ Իրանի դպրոցին հասցված հարվածներին

ԱՄՆ պաշտպանության նախարար Փիթ Հեգսեթը մեկնաբանել է Իրանում դպրոցի վրա հարվածի վերաբերյալ տարածված տեղեկությունները՝ նշելով, որ միջադեպի շուրջ քննությունը դեռ շարունակվում է։ Նրա խոսքով՝ այս պահին չի կարող ներկայացնել հավելյալ մանրամասներ։

Պենտագոնի ղեկավարը ընդգծել է, որ ԱՄՆ զինված ուժերը, ի տարբերություն իրանական ուժերի, չեն թիրախավորում քաղաքացիական ենթակառուցվածքները։ Նա նշել է, որ Վաշինգտոնի գործողությունները ուղղված են ռազմական օբյեկտների դեմ։

Հեգսեթը այս հայտարարությունը արել է այն հարցին պատասխանելիս, թե արդյոք ԱՄՆ-ն կարող էր որևէ կերպ ներգրավված լինել Իրանում տեղի ունեցած միջադեպում։ Այդ կապակցությամբ նա ասել է, որ տվյալների ստուգումը դեռ ընթացքի մեջ է։

Նախարարը հավելել է, որ ներկայումս կարող է միայն հաստատել, որ համապատասխան մարմինները շարունակում են ուսումնասիրել տեղի ունեցածի հանգամանքները։