Ռուսական ռազմաբազայի հետ կապված, մենք որևէ պլան, ծրագրեր չունենք․ Փաշինյան
Մինչև 2024-ը սահմանային անցակետերի մեծ մասը գտնվել է ՌԴ վերահսկողության կամ ռուս սահմանապահների ներկայության ներքո, այդ թվում՝ միջազգային օդանավակայանում․ այժմ ՀՀ բոլոր սահմանային անցակետերը վերահսկվում են հայկական սահմանապահների կողմից։ Լեհաստանում դեսպանների ու փորձագետների հետ հանդիպմանը վարչապետ Նիկոլ Փաշինյանը հայտնել է, որ Հայաստանը շնորհակալ է ՌԴ-ին 90-ականներին ցուցաբերած աջակցության համար, երբ չուներ բավարար կարողություններ։
«Բնականաբար, մենք շնորհակալ ենք ՌԴ-ին այնտեղ ներկայության համար, որպես նորանկախ պետություն 90-ականների սկզբին մենք կարողություն չունեինք այդ տեսակի ծառայությունը մատուցելու, բայց մենք ներկայում կարող ենք և զարգացնում ենք մեր կարողությունները։
Ինչ վերաբերում է ռուսական ռազմաբազային, մենք որևէ պլան, ծրագրեր չունենք, մտահոգություններ էլ չունենք կապված ռուսական ռազմաբազայի ներկայության հետ»,- ասել է վարչապետը՝ նշելով, որ Հայաստանը սերտ գործընկեր է Ռուսաստանի հետ։
