Մինչև 1 միլիոն դրամի չափով անձնական փոխանցումները ենթակա չեն հայտարարագրման․ Հովհաննիսյան

Մինչև 1 միլիոն դրամի չափով անձնական փոխանցումները այլևս ենթակա չեն հայտարարագրման, Կառավարության նիստում հայտնել է ՀՀ ֆինանսների նախարար Վահե Հովհաննիսյանը։

Նախարարը հիշեցրել է, որ նախորդ տարի հարկային օրենսգրքում փոփոխություններ են կատարվել, ինչի արդյունքում էականորեն պարզեցվել է ֆիզիկական անձանց եկամուտների հայտարարագրման համակարգը։

Ներդրվել է նաև հայտարարագրերի ինքնաշխատ ներկայացման համակարգ։ Մասնավորապես, հարկային մարմինը իր մոտ առկա տեղեկատվության հիման վրա նախալրացնում է հայտարարագիրը, ֆիզիկական անձը կարող է փոփոխություններ կատարել նախալրացված տարբերակում, իսկ եթե փոփոխություններ չեն կատարվում, ապա ներկայացման վերջնաժամկետի օրը հայտարարագիրը համարվում է օրենսդրությամբ սահմանված կարգով ներկայացված։

Առավել մանրամասն՝ տեսանյութում