Մեր հարաբերությունները Ռուսաստանի հետ վերափոխման փուլում են. Նիկոլ Փաշինյան

Մենք հիմա մեծ ատոմակայանի կարիք չունենք, ուստի մեր փորձագետների գնահատականի համաձայն՝ մեզ անհրաժեշտ է ունենալ փոքր մոդուլային ատոմակայան․ Լեհաստանում հայտարարել է Նիկոլ Փաշինյանը։

«Հիմա մենք այդ հնարավորությունը քննարկում ենք ԱՄՆ-ի, ՌԴ-ի, Հրվ․ Կորեայի, Ֆրանսիայի, Չինաստանի հետ, որոնում ենք լավագույն առաջարկը մեր երկրի համար։ Դեռ վերջնական որոշում չունենք, քանի որ ուսումնասիրում ենք տարբեր առաջարկներ»,- ասել է նա։

Նիկոլ Փաշինյանը նաև խոսել է Ռուսաստանի և Հայաստանի միջև հարաբերություններից

«ՀԱՊԿ-ը հավուր պատշաճի չարձագանքեց ՀՀ առջև ծառացած անվտանգային մարտահրավերներին, մյուս կողմից, սակայն, մենք ասում ենք, որ մեր հարաբերությունները Ռուսաստանի հետ վերափոխման փուլում են, մենք նոր հարաբերություններ ենք ձևավորում ՌԴ-ի հետ»,- ասել է Փաշինյանը: