Թուրքիայի ԱԳՆ–ն խստորեն դատապարտել է Իսրայելի կառավարության որոշումը
Թուրքիայի արտաքին գործերի նախարարությունը խստորեն դատապարտել է Իսրայելի կառավարության որոշումը՝ ընդլայնել բնակավայրերի գործունեությունը և հաստատել Իսրայելի իրավասությունը օկուպացված Արևմտյան ափում։
«Մենք խստորեն դատապարտում ենք Իսրայելի կառավարության վերջին որոշումը, որն ուղղված է իր իշխանությունը պարտադրելուն օկուպացված Արևմտյան ափին և բնակավայրերի գործունեությունը ընդլայնելուն», - ասվում է նախարարության հայտարարության մեջ։
Թուրքիայի արտաքին գործերի նախարարությունը շեշտել է, որ նման քայլերը խախտում են միջազգային իրավունքը և անվավեր են։ Անկարան հայտարարել է, որ Իսրայելը չունի ինքնիշխանություն օկուպացված պաղեստինյան տարածքների նկատմամբ, և նրա քաղաքականությունը խաթարում է երկու պետությունների լուծման հասնելու ջանքերը։
Թուրքական կողմը կոչ արեց միջազգային հանրությանը վճռական դիրքորոշում ընդունել և վերահաստատեց իր աջակցությունը 1967 թվականի սահմաններում՝ Արևելյան Երուսաղեմ մայրաքաղաքով Պաղեստինի անկախ և ինքնիշխան պետության ստեղծմանը։
