Ռուսաստանը պատրաստ է ավիահարվածներ չհասցնել Ուկրաինայում ընտրությունների օրը․ Գալուզին
Ռուսաստանը պատրաստ է ապահովել, որ ընտրությունների օրը Ուկրաինայի խորքում հարվածներ չլինեն, եթե այնտեղ ընտրություններ անցկացվեն։ Այս մասին հայտարարել է Ռուսաստանի փոխարտգործնախարար Միխայիլ Գալուզինը։
Դիվանագետը հիշեցրել է, որ Ռուսաստանի նախագահ Վլադիմիր Պուտինը նախկինում հայտարարել էր Մոսկվայի պատրաստակամության մասին՝ քննարկելու այս հնարավորությունը։ Նա նաև նշել է, որ Ռուսաստանում բնակվող 5-10 միլիոն ուկրաինացիներ պետք է ունենան քվեարկելու իրավունք։
Նախարարի տեղակալը նաև հիշել է ուկրաինական անօդաչու թռչող սարքերի հարձակումները Ռուսաստանի տարածքի վրա ընտրարշավների ժամանակ։
«Ես կցանկանայի ուշադրություն հրավիրել մեր փորձի վրա։ 2024 թվականի մարտին Ռուսաստանում տեղի ունեցան նախագահական ընտրություններ, և ընտրատեղամասերը՝ նույնիսկ հաշվի առնելով ընթացիկ «հատուկ գործողությունը», բացվեցին մարտական գոտուն մոտ», - ասել է նա։
Գալուզինի խոսքով՝ Կիևը փորձել է խաթարել ընտրական գործընթացը առաջնագծի շրջաններում։
«Սակայն այն չկարողացավ հասնել իր նպատակին», - հայտարարել է դիվանագետը։
Նա հավելել է, որ Ռուսաստանը «չի զիջի Կիևի գործելակերպին և թույլ կտա Ուկրաինայի ժողովրդին լիովին իրականացնել իրենց սահմանադրորեն ամրագրված ընտրական իրավունքները և ինքնուրույն որոշել իրենց երկրի ապագա զարգացումը»։
«Իհարկե, եթե Կիևի ռեժիմը վերջապես որոշի անել այս ժողովրդավարական քայլը», - ընդգծել է Ռուսաստանի փոխարտգործնախարարը։
