Չենք հանդուրժի որևէ վնաս զինվորներին և անվտանգության ուժերին․ Նեթանյահու
Իսրայելի վարչապետ Նեթանյահուն դատապարտել է Բնեյ Բրակում զինվորների վրա հարձակումը։
Երկու կին իսրայելցի զինվորների վրա հարձակում է տեղի ունեցել։ Իսրայելի ոստիկանությունը կարողացել է տարհանել զինվորներին։ Միջադեպը հանգեցրել է անկարգությունների, հարձակվողները շրջել են ոստիկանական մեքենա և այրել մոտոցիկլետ։
Ոստիկանությունն արդեն ձերբակալել է հարձակմանը և անկարգություններին մասնակցած 12 անձի։ Դեպքի վայր են ուղարկվել լրացուցիչ ուժեր։
«Ես խստորեն դատապարտում եմ Բնեյ Բրակում Իսրայելի պաշտպանության բանակի զինվորների և ոստիկանների դեմ բռնի անկարգությունները։ Մենք թույլ չենք տա անարխիա և չենք հանդուրժի որևէ վնաս զինվորներին և անվտանգության ուժերին, որոնք իրենց աշխատանքը կատարում են նվիրվածությամբ և վճռականությամբ», - ասել է Իսրայելի վարչապետ Նեթանյահուն։
