Աշխարհն առանց սահմանների տեսակետը հիմար գաղափար է. ԱՄՆ պետքարտուղար

«Աշխարհն առանց սահմանների տեսակետը, և ազգային շահերը գլոբալ կարգով փոխարինելու փորձը պարզվեց, որ հիմար գաղափար էր»,- ԱՄՆ պետքարտուղար Մարկո Ռուբիոն հայտարարեց Մյունխենի համաժողովում իր ելույթի ժամանակ։

«Սառը պատերազմի հաղթանակից առաջացած էյֆորիան մեզ տարավ վտանգավոր մոլորության։ Այն միտքը, թե մենք մտել ենք «պատմության ավարտ», որ յուրաքանչյուր երկիր այժմ կդառնա լիբերալ ժողովրդավար… որ մենք կապրենք առանց սահմանների աշխարհում, որտեղ յուրաքանչյուրը կլինի աշխարհի քաղաքացի, դա հիմար գաղափար էր, որն անտեսում էր թե՛ մարդկային բնույթը, թե՛ մարդկության հինգ հազար տարվա փաստագրված պատմության դասերը», — հայտարարեց ԱՄՆ պետքարտուղարը։

«Առանց սահմանների աշխարհի ձգտման մեջ մենք բացեցինք դռները զանգվածային միգրացիայի աննախադեպ ալիքի առաջ, որը սպառնում է մեր հասարակության համախմբվածությանը, մեր մշակույթի շարունակականությանը և մեր ժողովուրդների ապագային», — ավելացրեց նա։