Զգուշացնում եմ սփյուռքի որոշ ներկայացուցիչների. կոշտ հակազդեցություն է լինելու. վարչապետ
«Այսօրվա դրությամբ՝ 2026 թվականի փետրվարի 13-ին, մենք Հայաստանի պատմության ընթացքը փոխել ենք և հիմա հետ փոխելու մասին է խոսքը, չենք պատրաստվում դիտորդի կարգավիճակում հետևել ցանկացած փորձի», -լրագրողների հետ ճեպազրույցի ժամանակ ընդգծել է Փաշինյանը՝ արձագանքելով ի պաշտպանություն եկեղեցու բարերարների, նրանց թվում Նուբար Աֆյանի հայտարարությանը։
«Ես ասում եմ, ուզում եմ զգուշացնել նաև սփյուռքի որոշ ներկայացուցիչների, որ էս դավադիր պլանում ներգրավվելը արդեն լրջորեն խաթարում է Հայաստանի պետական անվտանգությունը և Հայաստանի Հանրապետությունը չի պատրաստվում դիտորդի նման հետևել:
Հակազդեցություն է լինելու և շատ կոշտ հակազդեցություն է լինելու։ Բարերարների դիմակի ներքո թաքնված բաները Էջմիածնի գանձերի հետևից ընկածները, կներեք, էթիկայի կանոնների սահմաններում ասեմ, որ Էջմիածնի գանձերի վրա աչք դրածների հայացքը ուղղելու ենք բոլորովին ուրիշ կողմ, Հայաստանի Հանրապետությանը հասու բոլոր միջոցներով»,- ասել է Փաշինյանը և նշել, որ այս պատմությունը կաթողիկոսությունը Հայաստանից դուրս տանելն է, ինչը թույլ չի տալու։
