Վաշինգտոնը հայտարարում է ՄԱԿ-ի բարեփոխման մտադրության մասին
ԱՄՆ վարչակազմը Դոնալդ Թրամփի ղեկավարությամբ մտադիր է նախաձեռնել ՄԱԿ-ի բարեփոխման գործընթաց։ Այս մասին հայտարարել է ՄԱԿ-ում ԱՄՆ ներկայացուցիչը։
Նրա խոսքով՝ նախատեսվում է վերանայել կազմակերպության աշխատանքի մեխանիզմները և իրականացնել կառուցվածքային փոփոխություններ։ Նա նշել է, որ բարեփոխումների նպատակն է բարձրացնել ՄԱԿ-ի արդյունավետությունն ու պատասխանատվությունը։
ԱՄՆ ներկայացուցիչ Մայք Ուոլտցը հայտարարել է, որ Թրամփը «ՄԱԿ-ի համար կանի այն, ինչ վերջին տասը տարիներին արել է ՆԱՏՕ-ի համար»։ Նա չի մանրամասնել, թե կոնկրետ ինչ քայլերի մասին է խոսքը։
Մինչ այժմ ՄԱԿ-ի շրջանակում հնարավոր փոփոխությունների բովանդակության վերաբերյալ լրացուցիչ տեղեկություններ չեն հրապարակվել։
