Ուկրաինան հրապարակել է Ռուսաստանի և ԱՄՆ-ի հետ բանակցող կազմը

Ուկրաինան հայտարարել է Ժնևում նախատեսվող բանակցություններին մասնակցող պատվիրակության նախնական կազմը։ Տեղեկությունը հայտնել է Ազգային անվտանգության և պաշտպանության խորհրդի քարտուղար Ռուստեմ Ումերովը։

Նրա խոսքով՝ բանակցային խմբի կազմը սահմանել է Ուկրաինայի նախագահը։ Պատվիրակության կազմում ընդգրկվել են նախագահի աշխատակազմի ղեկավար Կիրիլ Բուդանովը և նրա տեղակալ Անդրեյ Կիսլիցան, ինչպես նաև Զինված ուժերի գլխավոր շտաբի պետ Անատոլի Գնատովը։

Բանակցություններին կմասնակցեն նաև «Ժողովրդի ծառա» խմբակցության ղեկավար Դավիդ Արախամիան և Ուկրաինայի ռազմական հետախուզության ղեկավարի տեղակալ Վադիմ Սկիբիցկին։

Ժնևում նախատեսվում են բանակցություններ Ռուսաստանի և Միացյալ Նահանգների ներկայացուցիչների հետ։ Հանդիպման օրակարգի և ժամկետների վերաբերյալ հավելյալ մանրամասներ առայժմ չեն հրապարակվել։