Իսրայելը փնտրում է պատերազմ հրահրելու պատրվակներ. Լարիջանի
Իրանի Գերագույն ազգային անվտանգության խորհրդի (ԱԱԽ) քարտուղար Ալի Լարիջանին այս հայտարարությունն արել է «Ալ-Ջազիրա» հեռուստաալիքին տված հարցազրույցում՝ Կատարում կայացած հանդիպման ժամանակ։
«Կատարը դրական դեր է խաղում Թեհրանի և Վաշինգտոնի միջև միջուկային բանակցություններում միջնորդության առումով»։
«Բանակցություններն ունեն իրենց սեփական ուղին, և դրանք կարող են արդյունք տալ, եթե ընթանան իրատեսությամբ և փոխադարձ հարգանքով», - պնդել է նա՝ հավելելով, որ «հրթիռային ծրագիրը բանակցությունների համար չէ»։
«Մեզ ոչ ոք միջուկային տեխնոլոգիաներ չի տվել. մենք այն ձեռք ենք բերել մեր ներքին ջանքերով», - շարունակել է նա։
Լարիջանին նաև խոսել է Իսրայելի վարչապետի Վաշինգտոն կատարած այցի մասին՝ ասելով, որ «Իսրայելը փորձում է խաթարել բանակցային գործընթացը և փնտրում է պատերազմ հրահրելու պատրվակներ»։
«Միջուկային ծրագրից բացի որևէ այլ հարցի շուրջ բանակցություններ չեն լինի»։ «Վաշինգտոնի հետ կա ընդհանուր լեզու այն հարցում, որ մենք միջուկային զենք չունենք», - ավելի ուշ ասաց նա։
«Մենք Վաշինգտոնից որևէ կոնկրետ առաջարկ չենք ստացել, և Օմանում արվածը հաղորդագրությունների փոխանակում էր», - շարունակել է նա։
