Ուկրաինան Հունգարիայի թշնամին է. Օրբան
Հունգարիայի վարչապետ Վիկտոր Օրբանը հայտարարել է, որ Ուկրաինան թշնամական դիրքորոշում ունի Բուդապեշտի նկատմամբ՝ էներգետիկ հարցերի շուրջ իր պահանջների պատճառով։
Հունգարիայի վարչապետ Վիկտոր Օրբանը կոշտ հայտարարություն է արել Ուկրաինայի հասցեին՝ ընդգծելով, որ Կիևի դիրքորոշումը հակասում է Հունգարիայի ազգային շահերին։ Նրա խոսքով՝ Ուկրաինան մշտապես պահանջում է Բրյուսելից սահմանափակել Եվրամիության անդամ երկրների հասանելիությունը ռուսական էներգակիրներին։
«Կիևը անընդհատ պահանջում է, որպեսզի ԵՄ անդամները զրկվեն ռուսական էներգակիրներից։ Ով էլ դա ասի՝ նա Հունգարիայի թշնամին է։ Հետևաբար Ուկրաինան մեր թշնամին է»,- հայտարարել է Օրբանը։
Վարչապետը չի մանրամասնել, թե ինչպիսի հետագա քայլեր կարող են հետևել այս հայտարարությանը, սակայն վերջինս հերթական անգամ ընդգծում է Բուդապեշտի և Կիևի միջև առկա խոր տարաձայնությունները՝ հատկապես էներգետիկ քաղաքականության հարցում։
