Բռնություն կիրառած ոստիկանի նկատմամբ որպես խափանման միջոց ընտրվել է տնային կալանք. ՔԿ
Օրերս քաղաքացու նկատմամբ բռնություն կիրառած ոստիկանի նկատմամբ որպես խափանման միջոց ընտրվել է տնային կալանքը։ Այս մասին Auroranews-ին հայտնեց ՔԿ խոսնակ Կիմա Ավդալյանը։
Ավելի վաղ ՀՀ գլխավոր դատախազությունից տեղեկացրել էին, որ դեպքի առթիվ փետրվարի 4-ին նախաձեռնվել է քրեական վարույթ։ Նույն օրը դատախազի կողմից հանրային քրեական հետապնդում է հարուցվել Հայկ Հակոբյանի նկատմամբ՝ Քրեական օրենսգրքի 450-րդ հոդվածի 1-ին մասով։
