Անհնար է, առանց սրտխառնոցի․ Զախարովան «կոշտ» քննադատությամբ է հանդես եկել

Ռուսաստանի արտաքին գործերի նախարարության խոսնակ Մարիա Զախարովան հայտարարել է, որ պեդոֆիլիայի մեջ մեղադրվող ֆինանսիստ Ջեֆրի Էփշտեյնի գործին վերաբերող փաստաթղթերի ուսումնասիրությունը իր մոտ ֆիզիկական սրտխառնոց է առաջացնում՝ բացահայտված փաստերի մասշտաբի և լրջության պատճառով։

Նրա խոստով՝ Մեծ Բրիտանիայում կփորձեն հնարավոր բոլոր միջոցներով «ձգձգել» և ստվերել Ջեֆրի Էփշտեյնի հետ կապված սկանդալը, որի կենտրոնում հայտնվել է արքայազն Էնդրյուն՝ թագավոր Կառլոս III-ի եղբայրը։

Արքայազն Էնդրյուն մի քանի տարի շարունակ գտնվում է հանրային ուշադրության կենտրոնում՝ ամերիկացի ֆինանսիստ Էփշտեյնի հետ ունեցած կապերի պատճառով։ Դեկտեմբերի սկզբին Մեծ Բրիտանիայի թագավոր Կառլոս III-ը զրկել է նրան բոլոր պաշտոնական տիտղոսներից։

Զախարովան «Sputnik» ռադիոկայանի եթերում նշել է, որ հենց այս սկանդալի քննությունը պետք է ներկայումս զբաղեցնի բրիտանական տաբլոիդների հիմնական օրակարգը։ Նրա խոսքով՝ փոխարենը լրատվամիջոցները կենտրոնանում են Ռուսաստանի թեմայի վրա։

ՌԴ ԱԳՆ ներկայացուցիչը հավելել է, որ բրիտանական մամուլը, նրա գնահատմամբ, «փնտրում է առանձին ձևակերպումներ և հորինում նոր թեմաներ»՝ շեղելով ուշադրությունը ներքին աղմկահարույց հարցերից։