Աբու Դաբիում ավարտվել է Փաշինյան-Ալիև հանդիպումը
Աբու Դաբիում ավարտվել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։ Քննարկումները տեղի են ունեցել ինչպես դեմ առ դեմ, այնպես էլ պատվիրակությունների ընդլայնված կազմերով։
Հայկական կողմից հանդիպմանը մասնակցել են փոխվարչապետ Մհեր Գրիգորյանը, Անվտանգության խորհրդի քարտուղար Արմեն Գրիգորյանը, արտաքին գործերի նախարար Արարատ Միրզոյանը և Ազգային ժողովի փոխխոսնակ Ռուբեն Ռուբինյանը։
Ադրբեջանական կողմից ներկա են եղել փոխվարչապետ Շահին Մուստաֆաևը, արտաքին գործերի նախարար Ջեյհուն Բայրամովը, նախագահի օգնական Հիքմեթ Հաջիևը և նախագահի հատուկ հանձնարարությունների գծով ներկայացուցիչ Էլչին Ամիրբեկովը։
Հիշեցվում է, որ Նիկոլ Փաշինյանը Աննա Հակոբյանի հետ աշխատանքային այցով գտնվում է ԱՄԷ-ում։ Փետրվարի 4-ին վարչապետը Աբու Դաբիում կմասնակցի «Զայեդ» մարդկային եղբայրության 2026 մրցանակաբաշխությանը։
