Շատ ավելի վատ է լինելու․ Սերժ Սարգսյանը հայտարարություն է արել
Ավելի վատին սպասեք, ընդ որում ոչ միայն իմ հնդեպ, բոլորի հանդեպ։ Այս մասին դատարանի դիմաց լրագրողների հետ զրույցում նշել է ՀՀ երրորդ նախագահ Սերժ Սարգսյանը՝ անդրադառնալով իր նկատմամբ հարուցված քրեական գործին և դատարանում տեղի ունեցողին։
«Երբ դատախազը իրեն համարում է իշխանության մաս, էլ ի՞նչ եք սպասում, շատ ավելի վատ է լինելու»,- ասել է Սարգսյանը։
Հարցին՝ իր իշխանության օրոք ևս հնչել են մեղադրանքներ, որ դատավորներին պատվերներ են տրվել, քաղբանտարկյալներ են եղել, Սերժ Սարգսյանն պատասխանել է.
«Կարծում եմ՝ դուք հավասարության նշան եք փորձում դնել, բայց դա ձեզ չի հաջողվի, որովհետև դուք չեք կարող մի օրինակ բերել, որ ինձ մեղադրեին պատվեր տալու մեջ։ Չկար այդպիսի բան»,- ասել է ՀՀ երրորդ նախագահ Սերժ Սարգսյանը։
