Oնկոհիվանդությունների թիվն աճել է այն պատճառով, որ օդը Երևանում աղտոտված է. Նարեկ Կարապետյան

Այսօր կայացել է Սամվել Կարապետյանի գլխավորած ուժի հանդիպումը համակիրների հետ, որի ժամանակ քաղաքացիներից մեկն առաջարկով է հանդես եկել՝ ստեղծել աղբից ստացված էլեկտրաէներգիա: Նարեկ Կարապետյանն էլ հավանություն է տվել այս առաջարկին՝ նշելով, որ Նուբարաշենի աղբավայրը Երևանի աղտոտված օդի հիմնական խնդիրներից մեկն է, իսկ այս տարբերակով կկարողանան լուծել այդ հարցը:

«Նուբարաշենի աղբավայրը Երևանի աղտոտված օդի հիմնական խնդիրներից մեկն է, 2 օր առաջ բժիշկների հետ հանդիպման էինք, ասացին, որ օնկոհիվանդությունների թիվը 7 տարում աճել է 20 տոկոսով միայն այն պատճառով, որ օդը Երևանում աղտոտված է»,- նշել է նա։