Մի՛ խաբվեք: Ֆրանսիան ազատ երկիր չէ. Telegram-ի հիմնադիր
Ֆրանսիական ոստիկանությունը խուզարկություն է անցկացնում X սոցիալական ցանցի Փարիզի գրասենյակում: Telegram-ի հիմնադիր Պավել Դուրովը այս մասին հայտարարել է իր X հաշվում՝ նշելով, որ Ֆրանսիան վերահսկում է բոլոր սոցիալական ցանցերը։
«Ֆրանսիական ոստիկանությունը խուզարկություն է անցկացնում X-ի Փարիզի գրասենյակում: Ֆրանսիան աշխարհում միակ երկիրն է, որը հետապնդում է բոլոր սոցիալական ցանցերը, որոնք մարդկանց որոշակի ազատություն են տալիս», - գրել է Դուրովը։
«Մի՛ խաբվեք: Սա ազատ երկիր չէ», - հավելել է նա։
Փարիզի դատախազությունը նախկինում հայտնել էր X սոցիալական ցանցի ֆրանսիական գրասենյակի խուզարկությունների մասին՝ 2025 թվականի հունվարին սկսված հետաքննության շրջանակներում: Խուզարկությունը կատարում է դատախազության կիբերհանցագործությունների դեմ պայքարի ստորաբաժանումը, և ներգրավված է նաև Եվրոպոլը։
Դատախազությունը Իլոն Մասկին (X-ի սեփականատեր) կանչել է հարցաքննության՝ 2026 թվականի ապրիլի 20-ին։
